{ SKIP }
文:MenClub 魏文青  
POSTED ON 15 Aug 2016
早兩年啲咩「N年一遇美少女」就有如中國啲「千年一遇大水災」一樣,真係「梗有一個喺左近」。不過事隔咁耐,唯一一個企得住腳嘅就只有「元祖級」嘅橋本環奈。而佢近期仲頻頻有工開,除咗會喺早排介紹過嘅《銀魂》真人版中做神樂,原來仲拍咗套新戲係吹笛嘅!


今次環奈BB同Johnny's 組合SexyZone成員佐藤勝利合作嘅新戲叫「ハルチカ」,原作就係初野晴寫嘅校園青春推理小說,中文譯名係《春&夏事件簿》。講述青梅竹馬嘅上条春太(佐藤勝利飾演)同穗村千夏(環奈醬飾演)為咗能夠踏入號稱「演奏樂甲子園」嘅「普門館」,於是決定喺中學成立演奏部。而為咗邀請不同成員加入,兩人就要開始「攻略」不同角色。電影已經於四月開鏡,環奈醬為咗演好識吹長笛嘅女主角「千夏」,仲特登接受咗吹奏訓練添!


近日日本傳媒就公開咗該劇嘅劇照,其中一張環奈醬吹長笛嘅大頭相真係好Pure好True——只要你唔心邪嘅話!新戲會於2017年3月於日本上映!
Modelpress
Bella Ramsey呼籲HBO真人版《The Last of Us》嘅Haters,如果真係咁唔鍾意套劇,就唔使勉強睇第三季,原著遊戲仲喺度,大家可以返去再玩一次。
hobby
【影視】Bella Ramsey回應《最後生還者》第二季爭議:討厭的話不必看第三季,可以回去玩遊戲
29 Aug 2025
曾執導《哈利波特》首兩部電影嘅Chris Columbus表示,當佢睇到HBO重啟劇集版嘅片場照,發現新版海格造型幾乎同電影版一模一樣時,心裡不禁質疑:「咁樣重拍有咩意義?」 ... ... ... ...
hobby
【影視】《哈利波特》原導演驚訝新海格造型毫無變化:這樣重拍有什麼意義?
29 Aug 2025