圖片：americaTV

有玩Football Manager嘅你相信對沙維奧拿唔會陌生，唔知沙維奧拿喺你遊戲當中係咪有一段同現實相反嘅足球生涯。現實中的嘅野兔，可以話係數一數二懷才不遇嘅球星，加上傷患不斷，每一次復出佢實力都不如之前，而家連佢近況都唔係好多人關心。而家嘅野兔，正身處安道爾球會FC Ordino，不過佢已經掛靴，佢喺呢度係擔任助教。

圖片：espnfc

沙維奧拿今年一月版母會河床解約之後就宜布掛靴，重返河床嘅野兔表現係慘不忍睹，上陣13場無入過球，值得一題嘅係舊年嘅河床有佢同鄉，前華倫西亞中場艾馬，而佢亦一樣退咗役。講返沙維奧拿，佢退役次後就經朋友介紹之後就去到安道爾超級聯賽球會FC Ordino做助教，主要職責係喺青年軍同埋預備組做培訓工作，FC Ordino喺上季安超排第六，不過安超成個超聯只有8隊。

圖片：dailymail

沙維奧拿當年出道氣勢好比美斯，河床出身嘅佢2001年打世青盃嶄露頭角，當年仲拎埋當屆世青盃金球獎同金靴獎，之後就巴塞就以1500萬鎊變購，不過好可惜，效力巴塞時期嘅兩位領隊雲高爾同之後幾位領隊都唔重用佢，後來更加外借摩納哥同埋西維爾，兩次外借野兔都有出色表現，不過仍然未獲續約免費送走，後來免費轉會皇馬唔虐無上陣機會，更被隊友排濟，然後正式成為足球浪人，喺葡萄牙、再重返西班牙、希臘、意甲，最後無聲無色地黯然退役。

圖片：El Periodico

FC Ordino 長遠係希望沙維奧拿可以上一隊幫手，而FC Ordino而家嘅領隊係同樣打過巴塞嘅Miguel Ángel Lozano，喺球員時代面對重重困難鬱鬱不得志，作為教練重新出發換個角色再戰球壇都係唔錯嘅出路，始終踢波叻同教波表現又唔大關係，而且34歲嚟講，執教生涯只係剛剛開始，野兔嘅足球路仲係有排行，唔知沙維奧拿將來會唔會有機會返四大聯賽教波呢。

李羅渣 (facebook page: https://www.facebook.com/leerogerfcpage/)

八十後、忠實曼聯球迷、唔忠實嘅愛華頓球迷、前網台節目主持、Menclub足球文章作家、演員

由懶到出汁變成泰拳愛好者

除咗足球最鍾意就係睇戲、睇書、飲兩杯

唔求發大達，最想成為有些少生活品味嘅偽文青