同時連接三個裝置 LOFREE機械鍵盤

文：MenClub 魏文青　　
POSTED ON 05 Feb 2017

幻想下呢個情景：你如常地坐喺公司用緊電腦Keyboard覆緊Email，但同時你老細又Whatsapp你講公事，於是你又要拎起個電話覆佢；而佢講嘅其實係有關你一陣先出去見客嘅嘢，於是你又要拎部Ipad出黎篤篤篤改下個Power Point。明明都喺一張檯，前前後後你就用咗三個鍵盤，你話煩唔煩？

如果覺得煩，咁黎緊3月預售嘅「LOFREE」鍵盤就應該啱你。外表睇黎佢就係一個糖果色嘅機械鍵盤，實際上佢就係一個同時兼備有線與無線連接、最多可以同時連接三個裝置嘅高科技鍵盤。鍵帽用咗復古嘅圓形、佈局同Mac機一樣，仲有三種背燈，暗黑環境可以用之餘仲可以配合唔同氣氛，睇黎就真係好吸引。

睇返佢哋嘅Facebook，據說LOFREE就會喺下個月7號開始預售，但售價同送貨日期都未確定。如果想知多啲，就可以去佢哋個網到登記啦。
lofree.co