{ SKIP }
文:MenClub 魏文青  
POSTED ON 21 Mar 2017
我再重伸一次,近排我真係對黑膠好有興趣,所以留意多咗關於唱盤嘅嘢。而近日我就見到呢一部由荷蘭公司「Miniot」設計,目前於Kickstarter集資緊嘅「Wheel」唱盤啦!


「Mininot」本身主要推出設計簡約嘅木製Apple 配件,例如iPhone或者iPad殼咁。而「Wheel」就係佢哋嘅新嘗試,秉承一貫簡約嘅風格,「Wheel」嘅外型就真係一個正中間有支棍仔嘅「輪盤」,唔見到有唱臂、唱頭等等正常應該要有嘅部份。其實佢就係巧妙地將一切部件都收埋喺個機座入面,再用隻黑膠遮住(所以係播緊隻黑膠向下嗰面)。除咗慳位之外,更加可以用隻黑膠黎保護脆弱嘅唱針唱頭,美觀實用兩相宜。


又Miniot亦冇犧牲音質,佢哋使用咗Audio Technica出嘅AT95E唱頭,再接上以原塊桃花心木整嘅唱臂,得出一種豐富而溫暖嘅音質。而操控方面就全靠成部嘢唯一突出黎嘅嗰支棍仔——摸下佢個頭係開始/暫停、扭動係較大細聲、向左/右撥係上一首/下一首。另外佢仲有RCA接口,亦可以用藍芽或者3.5接口外接其他裝置。


呢個概念係咪好美好呢?不過都代價都唔平,最平嘅選項都要568歐元,即係4700HKD先買到,好就好在佢預計年尾就出到貨——如果佢冇秉承埋Kickstarter一貫延期嘅傳統就係囉。
Kickstarter
Bella Ramsey呼籲HBO真人版《The Last of Us》嘅Haters,如果真係咁唔鍾意套劇,就唔使勉強睇第三季,原著遊戲仲喺度,大家可以返去再玩一次。
hobby
【影視】Bella Ramsey回應《最後生還者》第二季爭議:討厭的話不必看第三季,可以回去玩遊戲
29 Aug 2025
曾執導《哈利波特》首兩部電影嘅Chris Columbus表示,當佢睇到HBO重啟劇集版嘅片場照,發現新版海格造型幾乎同電影版一模一樣時,心裡不禁質疑:「咁樣重拍有咩意義?」 ... ... ... ...
hobby
【影視】《哈利波特》原導演驚訝新海格造型毫無變化:這樣重拍有什麼意義?
29 Aug 2025