{ SKIP }
文:MenClub 魏文青  
POSTED ON 17 Mar 2017
早幾日先同大家講過已退役「全勝拳王」Floyd Mayweather同UFC巨星Conor McGregor話要上台打返場比賽分個高下,但講咗幾個月都係得個講字,就連UFC主席Dana White喺今個星期頭嘅一個訪問中都話比賽細節從來都未傾過。正當我以為佢兩個只係搞一場大龍鳳出黎刷存在感,點知即刻就黎個急轉彎——Dana White話打得喎!


大家首先要知道McGregor同UFC有合約,如果佢要參加任何非UFC嘅比賽,都要得到UFC嘅夫批准,呢個亦係佢要同Mayweather比賽嘅其中一個大難關。但主席Dana White喺星期三接受訪問事就突然轉口風,話「我認為場比賽會發生」,原因係賽比賽已經「吸引咗有太多錢,多到我睇唔到點解會打唔成」,亦都證實咗兩人嘅比賽會係「拳擊(Boxing)」。

Mayweather 著名嘅「Shoulder Roll」防守針對右拳而設


至於有人會問,McGregor人生冇打過任何Boxing比賽架喎,對住49戰全勝嘅Mayweather得唔得架?Dana White亦都對此提出自己嘅睇法,佢列出4個McGregor對McGregor有利嘅地方,當中包括年齡(28對40歲)、身形(155磅對147磅)、McGregor拳擊力量比較重同埋佢係左手。不過有外媒就話Mayweather雖然的確係老啲同身形輸蝕啲,但佢有多年累積嘅臨場經驗補救,而且佢職業身涯都遇過好多出名嘅左手、重擊拳手,結果都贏哂!


講到尾,勝負都係要上到台先知。依家主席開綠燈,淨返嘅基本上就係錢銀問題,如果拆得掂,咁睇黎又係一場世紀拳賽啦。
Businessinsider12sportsjoe
Bella Ramsey呼籲HBO真人版《The Last of Us》嘅Haters,如果真係咁唔鍾意套劇,就唔使勉強睇第三季,原著遊戲仲喺度,大家可以返去再玩一次。
hobby
【影視】Bella Ramsey回應《最後生還者》第二季爭議:討厭的話不必看第三季,可以回去玩遊戲
29 Aug 2025
曾執導《哈利波特》首兩部電影嘅Chris Columbus表示,當佢睇到HBO重啟劇集版嘅片場照,發現新版海格造型幾乎同電影版一模一樣時,心裡不禁質疑:「咁樣重拍有咩意義?」 ... ... ... ...
hobby
【影視】《哈利波特》原導演驚訝新海格造型毫無變化:這樣重拍有什麼意義?
29 Aug 2025