秋天，在不經不覺之間已經在一片催淚彈和胡椒噴霧中降臨香港。如果唔係要上街爭取，呢個時候最啱做嘅嘢就係「攤係屋企笪地咩都唔做」！

不過咁，阿媽教落訓地下會吸地氣，對身體唔好；加上塊地又硬掘掘唔舒服，呢個時候，等我同你介紹返，呢張能夠令你陷入萬劫不復之地嘅「雀巢梳化」！

冇錯，一睇呢張嘢個樣就知佢有幾舒服，一撻落去真係意志稍為唔夠堅定都起唔返身。但係佢真正「萬劫不復」的唔係呢樣喎。

呢張梳化有直徑2.5米(五隻蛋)到直徑4.5米(23隻蛋)四個大小，價錢由EUR$2,700 (約HKD$27,000)至EUR$7,900 (約HKD$79,000)不等。咁大張邊到放得落呀？咁貴邊個買得起呀？就係呢種「想得卻不可得」嘅欲求不滿先至最令人「萬劫不復」嘛！