九龍寨城搬入日本重現三不管

文：MenClub 魏文青　　圖：互聯網
POSTED ON 07 Nov 2014

由本文青懂事開始，九龍寨城已經成為繼「彭福公園」之後全香港最無聊的小學旅行景點「九龍寨城公園」，所以從來都冇緣認識呢個方圓0.026公里但係住咗33,000人、成為世界上人口密度最高、號稱「三不管」的傳說地區。而我認為全香港目前最有九龍城寨風味的「九龍上蓋四小龍」我又冇資格入，所以想體驗一下當年的「風彩」，就可能要遠赴日本。

位於日本神奈川縣川崎市的「川崎倉庫遊戲機公園」，建於一個工廠倉庫上。遊客沿著生哂鏽嘅小路就可以進入「九龍寨城」。全寨參考自當年的舊相，由裝置藝術家Taishiro Hoshino帶領以人手製作，很大程度重現九龍寨城的超密建築，黃賭毒、貓狗肉任君選擇；無牌醫生、賣淫女生隨處可見的市況。

其實作為本港的一個傳奇地區，拆咗之後比日本人拎咗黎做旅遊景點，都係一件幾諷刺嘅事－尤其是當你發現其實你覺得呢個九龍寨城，比起咩西九文化藝術區同郵輪碼頭更加吸引你嘅時候。
實拍片段當年的九龍寨城