天生覺得自己好有畫畫天份嘅Jacaqueline Poirier，咁多年嚟不斷係藝術上尋求突破，最近三年，佢就發現自己好鐘意係瓷器或陶瓷畫畫，仲偏好係碟上面畫食物，而逼真度仲非常之高！

身為多倫多Ritz Carlton嘅駐場藝術家嘅Poirier，就係酒店內最著名嘅餐廳TOCA發表自已嘅手繪碟創作，席內120個座位都放滿有關作品。至今，佢已經畫咗1,500隻碟，除咗以食物為題才之外，動物、風景都有試過，但睇嚟睇去最神似就係食物相，唔信？你自己睇吓佢畫個薄餅同冬甩幾咁似！