瑞風號將會行走京都、大阪再到下關，而且來回路線會分別經過山陰、山陽，如果根據官方提議，玩足全程要三日兩夜，途中會經過瀨戶內海、宍道湖、大山等等景點，所以風景係一定會靚，但更靚嘅可能喺架車本身。外殼用咗一種名為「瑞風綠」嘅顏色，以配合周遭嘅風景，再加上金色點綴，車頭設有觀景台，等你飽覽180度無敵靚景。

而十卡列車就有五卡係睡房，包括套房、雙人房同單人房，總共可以載到30人，套房仲有浴缸！頭尾兩卡係觀景車卡，等大家可以坐住黎欣賞山陰山陽嘅景色。整體裝潢就以二、三十年代風格為主，同其他日本特色列車一樣，物料都用上途徑路線嘅特產。

佔據一整卡嘅套房

雙人房

餐卡

休息卡