蘋果智能手錶Apple Watch自Series 6起加入「血氧濃度」測量功能，幫助用家及時了解身體健康狀況。然而，最近美國一名男子就向Apple提出集體訴訟，指手錶血氧計功能對深膚色人士帶有「種族偏見」，皮膚越深色，讀數偏差越大。

據《紐約郵報》報導，紐約居民Alex Morales日前向Apple提出集體訴訟，表示自己於2020年至2021年期間購入一隻Apple Watch，但喺疫情期間發現血氧計量度唔同膚色種族人士時，讀數存在偏差，對臨床診療構成重大影響。並指出過去幾十年已有多份研究報告顯示，膚色較深嘅人士使用類似血氧計時，準確度遠低於白人，但情況一直未受重視，直至疫情出現先凸顯出問題嚴重性。

截至目前Apple尚未回應。事實上，Apple官網上有例明血氧測量功能並非用於醫學用途 (包括自行診斷或諮詢醫生)，只為一般健身和保健而設。