最近著名遊戲製作人小島秀夫接受《IGN》專訪，被問到往後50或100年希望為「小島工作室（Kojima Productions）」留下什麼理念時，小島表示只會佢仲在生，就會繼續帶領團隊，若然已經不在人世，就希望能以AI形式繼續創作遊戲。

小島秀夫曾客串《Cyberpunk 2077》

小島秀夫向記者表示：「好問題，我從來冇思考呢一點。只要我一日仲生存緊，我就會繼續帶領團隊，對我嚟講最重要係穩固嘅創作根基。或者，我將來會變成AI，畢竟如果想開創新事物，就必需接受各種方式刺激，所以我諗我即使變成AI，依然會繼續同其他人合作創造新事物。」

憑《Metal Gear Solid》系列打出名堂嘅小島秀夫，自從離開Konami後就自立門戶創立小島工作室（Kojima Productions），並花上3年時間慢工出細貨製作出風格獨特嘅《死亡擱淺》（Death Stranding)，累計玩家數目超過一千萬人，最近仲宣布翻拍真人版電影，正式涉足影視界。