話說JJ係海棉體，應該係可以任意擺佈吧？（利申︰Mean娜真係冇丁）亦都有問過男性朋友，乜條J咁易斷架咩？佢哋都會話，其實點郁點擺都唔會有時，到底點啪斷確係一個謎。

最近呢個謎底終於解開！

英國《泰晤士報》同《鏡報》等媒體就報導，巴西坎皮納斯大學醫學院喺泌尿學期刊《Advances in Urology》嘅報告，就分析當地三家醫院二○○○到二○一三年間醫治嘅陰莖骨折病例，發現四十四例病患中有二十八例係發生喺啪啪啪時，六例喺自慰時發生，四例係男男性愛，其餘患者就拒絕交代發生原因。

至於發生時嘅狀態，有半數係女上男下時發生慘劇，28.6%係背後式，21.4%係男上女下體位。

研究員指出，女上男下時，女方所有重量全壓在男方身上，如果角度唔啱可能折到陰莖，但女方因未感覺太大不適而繼續動作，最後可能導致陰莖骨折嘅慘劇。

反觀男上女下，因男方主導動作，當陰莖感到不適時可以馬上抽離喊停，避免受到更大傷害。

而「陰莖骨折」通常係不當嘅性愛姿勢加上激烈過度，使得陰莖受力不均，導致部分充血海綿體不堪壓力破裂。

陰莖骨折有咩症狀？研究發現，九成患者感到疼痛，八成馬上軟掉，五成稱有聽到東西折斷的聲音，大多數患者在開刀後康復，但有兩名患者因拖太久才就醫，留下終身不舉的後遺症。