一般嚟講，男士普遍都鍾意啲大嘅嘢，大部靚車、大屋、大電視、當然唔少得大_。不過，如果女伴太大隻就唔係咁多人接受到啦，呢方面反而更多人鐘意細細粒嘅女仔，除咗可以顯得自己更加高大威猛，又可以單手抱起對方，今日就同大家介紹一位身體柔軟又嬌小嘅日本女星「小池里奈」。

今年27歲嘅「小池里奈」出生於醫生家庭，阿爸同阿爺都係醫生，同一般中產家庭小朋友一樣，細細個就學鋼琴、小提琴、爵士鼓等等嘅西洋樂器。直到三年級嗰陣，有次喺新宿行街被經理人公司睇中帶佢入行，首部影視作品就係出演《美少女戰士》真人版電視劇。有咗第一次演出之後，就陸陸續續客串多部日劇及電影，亦同特攝片結下不解之緣，先後出演過《幪面超人KIVA》、《超人力霸王銀河S》等等嘅特攝作品。

不過「小池里奈」就曾經喺2017年年尾突然消失冇再更新社交媒體，潛咗水差唔多成年先喺Twitter出現更新近況，同粉絲分享自己前陣子喺紐西蘭留學同澳洲Working Holiday嘅經歷。自從嗰次無預警消失後就少咗拍劇同上節目，幸好佢仲有Keep住出吓寫真，希望之後仲有機會睇多啲佢嘅作品啦。

資料來源：twitter@KoikeRina0903、instagram@koike_rina_93