日本女團HKT48每年進進出出咁多人，唔係核心成員可能連畢咗業都冇人知，今日介紹嘅「山田麻莉奈」就曾經係成員之一，但後來因為往聲優事業發展而離隊，唔知大家有冇聽過佢個名呢？

今年26歲嘅「山田麻莉奈」，自細就好鍾意睇動漫，更立志成為一個能歌善舞嘅聲優，於是高中三級年嗰陣就膽粗粗參加HKT48試鏡活動，結果成功脫穎而出成為二期研究生，正式以偶像身份出道。雖然喺偶像界發展得唔錯，但一直憧憬成為聲優嘅佢，最終喺2018年離隊轉行做聲優，為多部動畫及遊戲配音。

除咗聲優工作之外，「山田麻莉奈」更喺2019年推出首本個人寫真，即使冇勁爆上圍，但憑對無辜大眼加上白雪雪勻稱身材，就已經令唔少人想入非非。雖然佢目前主要從事聲優工作，但見佢早排喺IG突然Post返第一本寫真嘅相，唔知係咪打算再出寫真呢！

資料來源：instagram@marina.yamada_324、twitter@maririchan_324