每次男士們討論女士理想身高都會嘈餐飽，有人覺得生得嬌小會可愛啲，又有人覺生得高會長腿啲，但各位經常都忽略咗「比例」呢個重要因素。今日介紹嘅「奈月セナ」就係擁有九頭身完美身材，所以讀緊高中就已經擔任Model。

現年26歲，出生於岐阜市嘅「奈月セナ」，讀緊高中嗰陣已經憑住高佻身材成為當地某服裝品牌形象Model，畢業後更全力投身藝能工作，2015年就以19歲之齡參加「國際小姐日本代表選拔賽」，雖然最終未能奪冠，但就為佢累積咗唔少人氣。直到2018年更殺入寫真界，以172cm九頭身比例身材瞬速成為業界新星，出道短短1年已經推出超過10部DVD及VR作品。

近年「奈月セナ」亦愈嚟愈大膽，不斷挑戰個人及粉絲極限，從起初嘅露側乳慢慢朝向全裸之路進發，難怪每次新作都能夠引起話題。佢近年仲順勢進軍埋影視界，上年就有份參演漫改電影《大きい女の子は好きですか？（高大的女孩子，喜歡嗎？）》，飾演巨乳排球女將。

資料來源：instagram@senap_official、twitter@Senap_official