唔知大家仲有冇印象2018年嗰陣有個飲品廣告，係講陳柏宇同一位身穿比堅尼嘅女仔喺沙灘「彈下彈下」跳彈床呢？入面嗰個女仔就係今日介紹嘅「京佳」，自從佢離開咗女團《夢見青春期》就瓣數多多，唱歌、拍寫真、拍VR、Youtuber通通都有所涉獵。

今年21歲嘅「京佳」雖然年紀輕輕，但藝能經驗相當豐富，早於小學3級就入行，期後更加入女團《夢見青春期》及進軍寫真界，憑住充滿稚氣嘅臉孔加上豐滿肉感身材，火速成為團內寫真擔當。

自從2019年離團單飛之後，佢就以自由身密密接Job又成立公司推出自家時裝品牌「JELA」，不過人氣同曝光率就大不如前，上年搞網上眾籌出唱片更只籌得目標金額28%，希望佢未來能夠再創事業高峰。