自從有咗Youtube呢類影片分享平台，只要你才藝就唔怕會冇曝光機會，今日介紹嘅「伊原六花」就因為當年翻跳陳慧嫻《跳舞街》 原曲《Dancing Hero》而走紅，繼而被事務所相中順勢加入藝能界，至今影片觀看次數更突破1億大關。

今年22歲嘅「伊原六花」自細就鍾意唱歌跳舞，學過芭蕾舞同音樂劇，後來升讀出咗名跳舞勁嘅大阪登美丘高校之後，更加成為該校舞蹈部隊長。就喺2017年，「伊原六花」同多位同學憑住復古造型翻跳80年代經典歌曲《Dancing Hero》一炮而紅，令身為隊長嘅佢獲得事務所垂青，正式出道加入藝能界。

由2017年出道至今，「伊原六花」活躍於綜藝、舞台劇、電視劇多個領域，其中較為出名嘅作品有《去吧！啦啦兵團》、《明治東京戀伽》以及《夏空》等等，亦都間唔時就會被雜誌邀請拍寫真，如果有興趣欣賞佢當年嘅表演可以睇下面條link。

資料來源：instagram@rikka.ihara.official、twitter@rikka_ihara