我哋成日話日本寫真風氣比起香港要濃厚得多，但除咗日本有好多寫真女星、有好多人出寫真之外，仲可以喺邊到體現到當地嘅寫真氣氛？唔講你未必知，其實日本非常盛行所謂嘅「攝影會」，而且唔少寫真女星正正係由相對少眾嘅「攝影會」慢慢步入大眾目光。今日就借介紹日本攝影會紅人之一嘅「深瀬みるく」為契機，順手同大家介紹下「攝影會」啦！

所謂嘅攝影會，其實就係主辦單位邀請多名名氣未紅到可以出個人寫真或登上少年雜誌嘅寫真女星，又或想加入寫真界，但連經理人公司都冇嘅素人模特兒作嘉賓，再對外出售門票讓一眾Fans (aka 龍友) 於限定時間、指定場所內對模特兒瘋狂影相嘅活動。一來滿足Fans近距離見到模特兒真人嘅願望，另一方面亦為模特兒累積人氣，為進軍寫真界鋪路。

而今晚要介紹嘅呢位「深瀬みるく」就係日本最大型攝影會「FRESH!」嘅專屬模特兒之一。雖然暫時未出個人寫真，又或登上雜誌，但佢個Twitter已經有超過九萬人Follow，亦曾接受過日本媒體訪問，證明佢其實已經累積咗一定人氣。或者假以時日，佢就會成為日本寫真界嘅新星。大家依家Follow定就啱架啦。

IG：fukamill_