正所謂「紅唇 烈焰 極待撫慰」，女仔用上大紅唇膏時，通常都會畀人一種冶艷、強勢之感。但今日要介紹嘅呢位「石浜芽衣」，雖然都多以紅唇示人，但就明顯係走可愛路線。點解會咁？就係因為佢本人實在太可愛啦！

現年21歲嘅石浜芽衣，乃係日本女子偶像團體「虹のコンキスタドール (虹コン)」嘅「予科生 (即練習生)」，而唔少「虹コン」成員都於寫真界中活躍，例如去年介紹過嘅「岡田彩夢」，以及去年畢業嘅「根本凪」等。而「石浜芽衣」就係團體中最新一位踏入寫真界嘅成員，雖然平時「胸茫不露」，但早前為《Young King》拍攝寫真，著上經典嘅「CK」灰色內衣時，就盡展佢嘅豐滿身材！

不過由於加入寫真界時間尚早，石浜芽衣其實就唔算有太多性感水著照，IG及Twitter上都係以包得頗為密實嘅表演服居多，但就勝在個樣夠哂可愛，對於睇慣「重口味」嘅大家，可以話係洗滌心靈之選呀。

IG：ishihama_mei