正所謂「胸不平何以平天下，乳不巨何以聚人心」，心口掛住兩個G字嘅「山田かな」自前年出道後人氣直線升上，唔夠一年就吸納超過10萬名擁躉，最近仲推出埋首本個人寫真集！

今年27歲嘅山田かな高中畢業後曾經做過兩年OL賣體育用品，雖然好快就超越其他前輩成為業績NO.1員工，不過佢就做得唔多Happy，事關公司有位阿姐經常對佢冷嘲熱諷，甚至笑佢冇讀過大學。好勝嘅山田かな於是決定裸辭讀返書，立志要入讀一間比嗰位阿姐更優秀嘅大學，並兼職私影Model維持生計。結果被星探發掘寫真出道，亦如願以償考上一間理科大學成為超齡大學生。

2021年出道後，山田かな憑住G Cup傲人雙峰，加上清純無邪臉孔成功俘虜唔少男士歡心，首張寫真DVD《どうかな？》一開賣就登上Amazon及DMM銷量榜冠軍，並席捲多本寫真雜誌，不足一年Twitter追蹤人數就突破10萬大關。最近佢就以自己個名「Kana（かな） Yamada（山田）」首兩個英文字母推出首本個人寫真集《KY》，繼續衝擊觀眾眼球！

資料來源：instagram@maybe.yamada、twitter@maybe_yamada