雖然話日本寫真界通常都係由十八廿二嘅少女們為主力，但其實業界中都有幾個以成熟「色氣」而聞名嘅寫真女星。好似去年「終於」滿30歲嘅「園都」咁，自出道起就以成熟艷麗風格、加上豐滿誘人身材而聞名，更被稱為「國民情婦」。

剛於去年年尾滿三十歲嘅「園都」，早於學生時期去東京巨蛋睇棒球比賽時就已經被星探發掘，2012年起由家鄉德島縣正式上京，2016年開始其寫真女優生涯。由於其身材嬌小，僅高154cm，但身材卻係誇張嘅35G，加上超乎年齡嘅成熟氣質，舉手投足都湧出黎嘅性感誘人，令其一出道就廣受注目。佢更識得借用氣質相近嘅寫真前輩「壇蜜」之名，自稱「第二壇蜜」，亦從此坐穩「成熟色氣」嘅寫真路線，被封「國民情婦」。

「園都」嘅寫真生涯未算多產，出道十年嚟緊出過八隻寫真dvd、兩本實體寫真集，但每一次都係誠意之作，絕對能夠滿足各位男士嘅深夜需求。今年6月時佢更宣佈會與著名攝影師Tim Gallo合作，推出介紹日本寫真美感嘅新寫真集，並發起眾籌，於短短七日內籌得超過300萬Yen。成品令人期待！

IG：miyakosono_official