唔少寫真女星於累積到一定人氣後，就會封胸唔行性感，並改為以演員、主持或綜藝人等工作為主。所以作為一個寫真Fans，有時你都唔知應唔應該支持自己嘅心儀女星再進一步。但另一邊廂，如果係已經「轉咗職」嘅寫真女星，只要有人繼續支持，佢就有可能會返去拍返寫真。好似今晚要介紹呢位「和地つかさ」就係其中之一啦！

現年31歲嘅「和地つかさ」，於18歲時曾經加入過偶像女團「メグリアイ」，2013年時參加《週刊Young Champion》舉行嘅寫真比賽而踏足寫真界，並於2014年正式推出寫真DVD，憑著被日本媒體為「國寶級」嘅I Cup上圍、以及大膽作風成為當時得令嘅寫真女星。2016年於綜藝節目上扮演去溫泉採訪嘅記者，以毛巾包裹身體嘅畫面（雖然入面有泳衣打底）於網絡瘋傳，亦令佢當時推出嘅寫真DVD衝上Amazon銷售榜第一。

不過隨住人氣上升、其他工作變多，「和地つかさ」嘅工作重心就慢慢轉向參加綜藝節目及主持，2021年後更加停止推出寫真DVD。好在佢仍不時於社交網站發佈性感照「籠絡」Fans。今年迎來出道十週年更推出首本實體寫真集，並事隔三年再次推出寫真DVD，同樣一舉成為銷售榜冠軍，可見Fans依然非常鍾意佢。希望佢未來會推出更多寫真作品滿足Fans啦！

IG：tsutam_