以貌取人係社會常態，所以唔少人都覺得只要生得靚仔靚女，人生就一定過得非常順遂。不過今晚要介紹嘅呢位「山田あい」就好可能係一個反例，事關號稱「寫真界令和超新星」、擁有I Cup魔鬼身材嘅佢，竟然曾經要露宿街頭、去海邊拾荒維生！

9月啱啱滿22歲嘅「山田あい」，係去年8月先出道嘅寫真新人。出道後就因為一半菲律賓血統帶來嘅異國風外貌，加上身高160cm、擁有35 I Cup-23-35嘅魔鬼身材而火速走紅，號稱「令和寫真超新星」。不過喺其光鮮外表背後，原來係一段頗為艱苦嘅歷程。

據佢早前接受日本雜誌訪問時透露，佢高中時就因為未公開嘅原因而綴學兼離家出走，失去家人照顧後嘅佢只能露宿街頭，三餐就靠騎單車去海邊拾荒，並靠住其他街友幫手先可以過活——喺發育時期過住啲咁嘅生活，都可以長出依家大家見到呢副好身材，都算得上係天生麗質啦。

露宿街頭嘅經歷亦令「山田あい」唔再怕醜，同時學識坐言起行嘅重要性。或者就係咁，所以佢加入寫真界後立即就以高露出度嘅大膽風格現身，似乎務求儘快闖出成績。人哋有啲咁慘嘅過去，依家又咁努力工作，各位擁有一顆善心嘅男士當然要大力支持啦係咪？

IG：_.yamada.aiii._