都係嗰句，年頭年尾永遠都係頒獎典禮嘅季節，咁啲咩勁爆咩咤吒嘅就唔會放喺文青深夜系列啦，但有「AV奧斯卡」之稱嘅「成人廣播賞」又未舉行喎，咁不如就睇住早排舉行嘅「水著女優DVD賞(プロが選ぶアイドルDVD賞)」先啦！

呢個「DVD賞」已經係第四屆舉行，對上三屆「MVP」分別係杉原杏璃、星名美津紀同高崎聖子，值得一提嘅係呢個獎有個奇怪走勢，就係上年拎新人獎嘅，下年就會變做MVP(星名美津紀為2012年新人賞，2013年MVP；高崎聖子為2013年新人賞，2014年MVP)。照咁睇，上年拎過新人賞嘅「青山ひがる」同「染谷友香」今年就好有可能拎獎啦！而結果就係……

2015 MVP 安枝瞳

…冇佢哋份啦！唔好講MVP，成個得獎名單都見唔返佢兩個呀！而MVP得獎者就由出名有個渾圓Pat Pat嘅安枝瞳奪得！

而新人賞得主，就係憑住100cm上圍、喺寫真界平地一聱雷嘅「柳瀨早紀」。

而三賞就由過去兩年嘅「殊勲賞」、「敢闘賞」同「技能賞」換成「バスト賞」、「ウエスト賞」同「ヒップ賞」，日文睇唔明？其實即係「胸」、「腰」、「臀」三個部位賞！

「胸賞」得主：菜乃花。簡單啲黎講就係「I Cup」！仲同「乳帝」杉原杏璃係同鄉同公司添！

「腰賞」得主：川崎あや。近期仲參加「Racing Queen大賞」添

「臀賞」得主：為近あんな

另外今年嘅「其他賞」就比上年更加多，除咗「作品賞」同「功勞賞」之外，仲有「Looks賞」同「10代」至「40代」年齡賞五個新獎項

「Looks賞」得主：川崎あや

「10代賞」得主：前AKB成員森川彩香

「20代賞」得主：清水みさと

「30代賞」得主：平塚奈菜

「40代賞」得主：中川祐子，我承認我睇到「40代」差啲就唔敢睇落去，好彩出黎嘅係美女天氣姐姐中川祐子啫！

最後就係兩隻作品賞啦，呢兩個大家應該會眼熟啲－－因為我介紹過嘛！分別就係久松郁実(作品：《19》)同石川恋(作品：《初恋》)