有睇《監獄學園》嘅應該都記得理事長嘅名言：「喜歡屁股的不會是壞人」。而我覺得鍾意屁股(講緊女人嘅屁股嘐下)嘅男人唔單止唔係壞人，仲係一個要求高嘅人！因為一個靚嘅蘿友，其實係好難搵－－淨係喺正常情況之下要睇到個形狀本身就已經難度十足，更加唔好講要搵到個靚嘅！所以如果你同理事長一樣都係屬於「臀友派」嘅人，咁呢個以下呢個由日本燒酒品牌「ハイサワー(High Sour)」舉行嘅「美尻コンテスト(美臀Contest)」啦！

喺介紹啲「候選臀」之前，先要講下點解一個燒酒品牌好地地要搞個咁嘅選舉呢？原來係因為「ハイサワー」嘅宣傳品一直都有以女性嘅比堅尼臀部作為賣點，而且每年都會出一個「美臀月曆」畀啲Fans們收藏，而且仲會搞網上投票，將最多人投嘅蘿友印上啤酒杯到做紀念品。之於點解佢哋會咁鍾意屁股啦喎，我就唔知啦……

總之呢，2016年嘅月曆就出咗，而個「Best of お尻」杯呢，就會於今年五月推出。所以由今個星期開始，「ハイサワー」就舉行緊網上票選啦。「候選臀」方面，「ハイサワー」就聱稱係由335145張投稿中選出嘅18張，其實就即係2016年年曆入面嘅13個臀，再加另外5個落選臀。講真個質素真係唔差嘅，係唔知點解個網要整到啲相咁鬼細張啫……

文青盡力搵咗過去幾年「ハイサワーCalenda」嘅圖比大家，大家望梅止渴先啦！