{ SKIP }
文:MenClub 魏文青  
POSTED ON 30 Mar 2022

在過去兩日,Will Smith於奧斯卡頒獎典禮掌摑Chris Rock一事成為全球熱話,網民、傳媒、評論員等都紛紛提出自己對事件嘅睇法,Will Smith亦於昨日公開道歉。反觀個場被人搞串哂嘅奧斯卡主辦方,美國電影藝術與科學學院 (以下簡稱學院)就只係於週日當晚發出簡短聲明「譴責任何形式的暴力」,以及「高層震怒」、「收回Will Smith影帝獎座」等傳聞。直到香港時間今早,學院先向會員發信正式回應事件。

圖片:Blaine Ohigashi / A.M.P.A.S

據《Variety》報導,學院以主席David Rubin及CEO Dawn Hudson名義向會員發信,開篇就指「頒獎禮本應係慶祝同業們過去一年嘅非凡成果,我們對於某位提名者於台上作出不能被接受而且有害的行為、掩蓋了慶祝時刻感到不快與憤怒 (upset and Outraged)。」接下來就開名譴責Will Smith,「先旨聲明,我們譴責Smith先生於週日晚上的行為」。

信件全文

圖片:截圖自Variety

學院於信中指出,「學院理事會會根據章程,決定對Smith先生的合適處理」,但就冇講明「處理」會係乜,而且應該冇咁快可以決定。因為雖然《Variety》拍學院會於美國時間週三晚上開會,相信會討論到「掌摑事件」,但信中亦寫到「根據加州關於如學院等非牟利組織的法律,以及我們的行為標準,會展開數週的官方調查」,換言之事件可能仲有幾個星期先塵埃落定。

資料來源:Variety
Bella Ramsey呼籲HBO真人版《The Last of Us》嘅Haters,如果真係咁唔鍾意套劇,就唔使勉強睇第三季,原著遊戲仲喺度,大家可以返去再玩一次。
hobby
【影視】Bella Ramsey回應《最後生還者》第二季爭議:討厭的話不必看第三季,可以回去玩遊戲
29 Aug 2025
曾執導《哈利波特》首兩部電影嘅Chris Columbus表示,當佢睇到HBO重啟劇集版嘅片場照,發現新版海格造型幾乎同電影版一模一樣時,心裡不禁質疑:「咁樣重拍有咩意義?」 ... ... ... ...
hobby
【影視】《哈利波特》原導演驚訝新海格造型毫無變化:這樣重拍有什麼意義?
29 Aug 2025