{ SKIP }
文:MenClub 魏文青  
POSTED ON 30 Mar 2022

雖然香港觀眾要到4月21日戲院重開先可以入場睇,但《怪獸與鄧不利多的秘密》(以下簡稱「怪獸3」) 於外國就會準時4月6日上映,日前亦舉行咗傳媒首映日,評價亦相繼出爐。其中頂替Johnny Depp飾演「葛林戴華德」嘅Mads Mikkelsen。就被外媒稱為「最大升級」。

據外媒《Digital Spy》嘅電影記者Ian Sandwell指,《怪獸3》比起評價不佳嘅《怪獸2》有非常大嘅進步,其中「Mads Mikkelsen係一個巨大升級 (Huge Upgrade),但電影MVP係由Jessica Williams飾演的Lally」佢同時亦指電影「塞咗太多嘢入去,不太肯定係《怪獸》系列電影定《哈利波特》電影。」

其他傳媒影評以至《哈》迷專頁嘅評價亦大概相似,特別係多個影評都有提到《怪獸3》感覺非常似當年嘅《哈利波特》電影,對於《哈》迷黎講應該係件好事。

《怪獸》系列中「葛林戴華德」一角原本係由Johnny Depp飾演,但自從捲入與Amber Heard嘅「離婚.打人.掉屎案」之後,Johnny Depp就被各大電影公司封殺,連當初《怪獸3》已經開機拍緊都要緊急換角,最後就由丹麥演員Mads Mikkelsen接任。當初Mads Mikkelsen嘅葛林戴華德造型照公開後,唔少人就認為佢冇Johnny Depp版本咁「邪氣」,依家照影評黎睇效果應該唔錯。不過香港觀眾都仲要等多大半個月先有得親眼睇到啦。

Bella Ramsey呼籲HBO真人版《The Last of Us》嘅Haters,如果真係咁唔鍾意套劇,就唔使勉強睇第三季,原著遊戲仲喺度,大家可以返去再玩一次。
hobby
【影視】Bella Ramsey回應《最後生還者》第二季爭議:討厭的話不必看第三季,可以回去玩遊戲
29 Aug 2025
曾執導《哈利波特》首兩部電影嘅Chris Columbus表示,當佢睇到HBO重啟劇集版嘅片場照,發現新版海格造型幾乎同電影版一模一樣時,心裡不禁質疑:「咁樣重拍有咩意義?」 ... ... ... ...
hobby
【影視】《哈利波特》原導演驚訝新海格造型毫無變化:這樣重拍有什麼意義?
29 Aug 2025