{ SKIP }
文:MenClub 魏文青  
POSTED ON 29 Jun 2022

細個時唔少小朋友都會將電視上面播嘅卡通分成「男仔睇」同「女仔睇」,而且唔少男仔都唔敢話畀人知其實佢有睇「女仔卡通」,而且仲睇得好開心。好似由2000年起於香港播映嘅《小魔女Doremi》咁,幾多男仔連啲咒語都記得到依家!咩話?你話你冇睇過?咁黎緊你就有機會啦!因為東映宣會於YouTube上重播整套《小魔女Doremi》!

《小魔女Doremi》日文原名《おジャ魔女どれみ》,係由1999年起於朝日電視台播出嘅魔法少女動畫,前後四季對應主角春風Doremi等人由小學三年級到小學畢業期間,以魔法解決生活中大小事嘅經過。雖然事隔多年大家應該都唔記得劇情究竟講咗啲咩,但相信大家都會記得「比利卡比利那那撲撲利那比比路多」、「巴美露古拉露古 拉里羅利卜布」、「派派幫幫 普哇普哇普」等魔法咒語。

而東映今日就宣佈,會由7月6日起,逢星期三下午六點鐘起,於YouTube「東映アニメーションミュージアムチャンネル」重播《小魔女Doremi》全套共201集。特別要留意嘅係,每個星期會播出一集,而每集只會公開兩個星期 (而且相信係日本IP限定),所以大家要把握時間去睇。

Bella Ramsey呼籲HBO真人版《The Last of Us》嘅Haters,如果真係咁唔鍾意套劇,就唔使勉強睇第三季,原著遊戲仲喺度,大家可以返去再玩一次。
hobby
【影視】Bella Ramsey回應《最後生還者》第二季爭議:討厭的話不必看第三季,可以回去玩遊戲
29 Aug 2025
曾執導《哈利波特》首兩部電影嘅Chris Columbus表示,當佢睇到HBO重啟劇集版嘅片場照,發現新版海格造型幾乎同電影版一模一樣時,心裡不禁質疑:「咁樣重拍有咩意義?」 ... ... ... ...
hobby
【影視】《哈利波特》原導演驚訝新海格造型毫無變化:這樣重拍有什麼意義?
29 Aug 2025