{ SKIP }
文:MenClub 魏文青  
POSTED ON 29 Jun 2022

打風前夕,近日香港又熱又焗,出街行多兩步都全身濕哂。而同樣熱嘅仲有日本。日本氣象廳氣象研究所研究官兼《天氣之子》氣象監修荒木健太郎今日於Twitter分享日本關東地區嘅氣溫圖,結果一片全紫 (35度以上),真係睇見都熱呀!

荒木健太郎今日於Twitter兩次就日本關東地區嘅高溫發文警告,佢指出今日關東地區最高氣溫為41度,而且預計會有40度嘅地區亦非常多,乃係日本有紀錄以來最熱嘅一日。從其分享嘅氣溫分佈圖亦可以見到,關東7縣除咗靠海嘅位置,絕大部分嘅氣溫都處於35度以上;而東京都內大家熟悉嘅新宿、涉谷、目黑等區域亦通通處於37度以上,名符其實嘅東京熱。

極熱天氣令相關消息成為日本Twitter熱話。例如位於栃木縣那須町嘅長樂寺就分享寺中蠟燭被熱彎嘅照片,由於寺中嘅貓貓亦有出鏡,所以獲得超過7萬個讚好;另一邊廂亦有網呼籲大家要開冷氣,而且強調係開到室內氣溫28度,而唔係部冷氣個風力去到28度先至可以有效避免中暑。日本方面亦因為天氣炎熱而出現電力緊張嘅情況。好在當地天氣預報估計,下個星期就會全國落雨,相信會令氣溫回落。

Bella Ramsey呼籲HBO真人版《The Last of Us》嘅Haters,如果真係咁唔鍾意套劇,就唔使勉強睇第三季,原著遊戲仲喺度,大家可以返去再玩一次。
hobby
【影視】Bella Ramsey回應《最後生還者》第二季爭議:討厭的話不必看第三季,可以回去玩遊戲
29 Aug 2025
曾執導《哈利波特》首兩部電影嘅Chris Columbus表示,當佢睇到HBO重啟劇集版嘅片場照,發現新版海格造型幾乎同電影版一模一樣時,心裡不禁質疑:「咁樣重拍有咩意義?」 ... ... ... ...
hobby
【影視】《哈利波特》原導演驚訝新海格造型毫無變化:這樣重拍有什麼意義?
29 Aug 2025