{ SKIP }
文:MenClub 魏文青  
POSTED ON 03 Feb 2016
重申一次,文青從來都唔算係一個籃球迷,係叫做睇新聞時會順手望兩眼。但當連我都知Stephen Curry係邊個,你就知佢已經唔係單純嘅「勁」咁簡單。先唔好理佢啲動作有幾快、運球有幾屈機,淨係講佢場場都無視自己同條三分線中間仲有兩秒距離都一樣起手仲要入埋,你就會覺得佢根本就係籃球場上嘅埼玉老師黎!Buinsess Insider日前就同Stephen Curry做咗個訪問,一齊黎睇下呢個埼玉老師係點樣鍊成啦!

圖片:aktiveradio.com

Curry嘅Jump Shot可謂百步穿揚,背後當然係大量練習嘅成果。佢自己就話視乎唔同時段,佢嘅練習量都會有唔同。例如平日操練一課佢會射300球,抖暑嘅時候就會增加到500球。原因係季中仲要應付比賽,而且練習目的都只係「保養及微調」,所以要避免消耗太多體力。 而到暑假嘅時候就可以盡情練習力求進步。

飲食方面,作為運動員嘅Curry當然需要大量卡路里,而佢亦有稍為注意一下食啲咩會比較多營養以及有助回復體力。不過大致上佢都係咩都會食。不過咖啡佢就唔係好飲啦!


圖片:bluemanhoop.com

另一個有助Curry表現嘅方法,就係一個自動馬桶--冇錯!就係大媽們去日本搶嗰隻!話說上年11月Curry喺Twitter好開心咁宣佈佢老婆買咗個自動馬桶,之後係一個訪問中,佢仲話相信自己嘅比賽數據,喺收到個馬桶之後會有所提升。甚至講到當日聽到個消息,第二日作客明尼蘇達已經開心到拎咗46分!到近日個馬桶終於安裝好,佢仲拍咗條自己登上「皇座」嘅片添!

而Curry屋企嘅另一個缸,就係一個可以完全黑暗兼隔音,容許使用者浮於體溫鹽水內嘅「Sensory Deprivation Tank(又稱Isolation Tank,貌似未有正式中文名,我就叫住做「封閉缸」先)」。呢個封閉缸內嘅水加咗有助放鬆肌肉嘅浴鹽同鎂,而且完且「與世隔絕」亦有助放鬆身心靈。Curry每隔個星期都會入個缸到浸一個至個半鐘,喺入面享受一下屬於自己嘅時間。之前好多媒體都將Curry嘅神表現歸功於個「封閉缸」架!



Curry亦透露佢好著重自己嘅比賽數據,覺得有助日常訓練甚至可以避免受傷。但成隊勇士黎講就唔算特別注重數據分析,只係會知道一場跑動距離、轉向次數等等有助日常訓練嘅數據。

佢亦提到由訓練員Brandon Payne提出嘅「神經效率(Neurocognitive efficiency)」。Curry話所謂「神經效率」係幫助球員於場上做更快同準確嘅決定。喺訓練嘅時候佢哋會喺牆上裝上唔同顏色嘅燈,而球員就要一邊控球,一邊撳燈。習慣咗之後反而會覺得比賽節奏比實際上慢,場上決定亦會做得更快。



Business Insider亦問到Curry投出壓哨球時嘅心情,Curry就話佢當時諗嘅通常都係「我最好射入呢球」。不過佢就話對自己相當有信心,認為呢一球喺平日練習中都練過無數次,身體已經記得要點射先會入。而係場上佢幾乎唔怕甚何嘢,但就會特別小心唔好有Turnover,甚至會同媽媽對賭每場嘅Turnover數字,所以會特別上心。


Business Insider


想當年大家睇住橋本環奈憑著「奇蹟的一杖」成為「千年一遇美少女」而爆紅,估唔到話咁快佢就已經長大到要談婚論嫁嘅年紀。據日本雜誌報導,環奈BB已經接受拍拖三年嘅男友中川大志求婚,二人不但連家長都見埋而且已經 ...
hobby
【悲報】前排分手實為煙幕? 傳環奈BB將嫁中川大志
10 Jul 2025
由Ben Stiller主演嘅冒險喜劇《翻生侏羅館(Night at the Museum)》系列,距離第三集、亦即係最後一集已經有11年歷史。最近有消息指,呢個人氣系列正在籌備重啟,同樣以博物館為背景,但會講述一個全新故事。 ...
hobby
【影視】消息指《翻生侏羅館》正在籌備重啟 但Ben Stiller或不會回歸
10 Jul 2025