係，我真係幾鐘意《海賊王》，呢幅屏風都真係幾靚，但係我真係冇辦法話你知佢有幾實用－原因請看我細細道來～

第一，唔知因為咩理由，呢幅屏風只係得50cm 高，80cm寬。即係棟喺屋企頂到盡都淨係可以遮到小腿……咁我諗冇咩人淨係截小腿唔見得人要搵塊屏風遮住架？

第二，呢幅嘢真係唔平，賣成JPY$19,440，即係成千四銀港紙，咁又唔係話好貴，但當你諗下同樣價錢你可以買六把索隆木刀，令你變成比索隆勁一合嘅「六刀流」喎！

第三，依家香港地啲樓就黎連我都放唔落喇！邊Q到有位放屏風呀！