仲想再玩多次 Clockenflap? 今年將會於 11月25至27號，轉去中環海濱搞，Early Bird Tickets已經開賣，銷售日期去到今個月19號，有音樂、藝術、手作、美食嘅盛事，記得入去 www.clockenflap.com 睇睇。

 講下今年首輪公佈嘅音樂人陣容 :

首先揭曉嘅係冰島著名後搖班霸 Sigur Rós (冰島)。呢支地位超然嘅冰島樂隊將會以標誌性嘅空靈音樂氛圍、充滿魔性嘅現場表演，演繹新曲並為演出加入全新神秘元素，帶領一眾樂迷穿梭於嶄新嘅音樂體驗之中。

跟住仲有牛津五人樂隊 Foals (英國)，樂隊以爆炸力十足嘅搖滾音樂、鏗鏘有力之澎湃節奏，以及充滿細節嘅即興結他演奏最為人熟識。Foals於2015年勇奪Q Awards最佳組合獎，其最新推出嘅第4張專輯好評如潮，Clockenflap請到呢隊 Indie 巨頭，絕對係樂迷福音！

另外，創作女神陳綺貞 (台灣) 將首次於今年Clockenflap舞台上面演出。佢一直以迷人姿態喺華語樂壇綻放獨特光芒，文藝氣質女神，強大嘅空氣感聲線，肯定可以營造出特別嘅音樂氛圍。

其他演出單位仲包括José González (瑞典)、Fat Freddy's Drop (紐西蘭)、Crystal Castles (加拿大)同本地代表 : 朱凌凌 (香港) 等。熱切期待今年盛事嘅樂迷，而家可以喺www.clockenflap.com預覽首輪公佈嘅詳細演出陣容。