相信大家一見到「乃木坂46」、「欅坂46」以及「NMB48」等等女團，除咗第一時間會諗起佢嘅音樂作品，跟著個腦就會浮現各位團員所出過嘅寫真集。當中嘅「欅坂46」前成員「長濱ねる」，當年推出首本個人寫真「ここから」就連續2周登上銷量榜冠軍，累積銷量更突破20萬部本，成績一啲都唔輸蝕畀同集團嘅「白石麻衣」，今日就帶大家一齊睇下佢嘅迷人之處。

今年22歲嘅「長濱ねる」，2015年以「平假名櫸坂46」（現已改名為日向坂46）身份參加「欅坂46」（現已改名為櫻坂46）第1期選拔，但就因為父母反對而冇參加到決賽試鏡。後來佢父母見到阿女喊到豬頭咁樣，加上營運公司出招說服，最終開始回心轉意並希望營運公司可以畀比次機會阿女。幸好營運公司見到「長濱ねる」前3次審查都有唔錯嘅表現，最後決定以「特例」形式畀佢加入「櫸坂46」，大家先有機會認識到呢位美女。由於佢外表清純可愛，一直都係團內核心成員，有著唔系忠實粉絲。2017年推出首本個人寫真集「ここから」更賣出超過20萬本。

佢喺2019年突然宣布畢業離隊，結束三年半偶像生涯。外界就有傳係佢因為飽受隊友欺凌同孤立而離隊，亦有傳佢同SHE'S主音「井上龍馬」拍拖而離隊，不過都係得個傳字，作為粉絲最關心應該就係佢會唔會復出。最終「長濱ねる」不負所望，喺上年7月重回藝能界，擔任綜藝節目《7RULES》主持人，雖然未知佢未來去向，但相信各位粉絲見到佢復出已經相當欣慰。

資料來源：instagram@nerunagahama_、twitter@neru_and_staff