世界之大，人有相似嘅例子比比皆是，如果咁啱同明星撞樣，更有機會一炮而紅。最近我就喺網上發現到一位有啲似佐佐木希嘅女星，唔知大家又覺得似唔似呢？

今年29歲嘅「麻亜里」，2004年喺原宿行街嗰時被星探發掘入行，起初都只係做吓雜誌Model同拍吓小廣告，同時又要兼顧學業，所以並唔係太多人認識。直到2016年有機會出演日劇《幪面超人Drive》而多咗曝光率，由於同人氣女星佐佐木希有幾分相似，節目出街後就開始漸漸走紅，之後更客串過人氣日劇《孤獨的美食家》。

可惜嘅係，佢紅咗一排就冇再接拍新作品，依家主要工作都係做瑜伽教練同Youtuber，間唔時就會拍下Vlog分享下生活點滴同化妝心得。

資料來源：instagram@maari.0108