現年27歲嘅日本歌手鈴木愛理於個人Blog上公開與23歲日本國腳田中碧戀愛嘅消息；而正準備隨隊前往越南參加世界杯外圍賽第三圈最後一輪比賽嘅田中碧，亦於線上訪問確認關係，並指二人「以結婚為前題約會中」，即係鈴木愛理隨時封盤，咁呢個時候就當然要回顧下佢當年影落嘅水著寫真啦！

鈴木愛理8歲時就已經加入音樂學校，8歲時參加「Hello! Project Kids選秀」正式出道，曾經與「Morning娘」成員田中麗奈以及夏燒雅組成平均年輕只有11歲嘅偶像團體「あぁ!」，後來鈴木愛理加入「℃-ute」直到團隊於2016年解散。雖然鈴木愛理身材可以話係平平無奇，但作為一個日本女子偶像，當然就會為雜誌拍下水著寫真、自己又出下寫真集，但憑單靠個可愛樣貌都已經足夠滿足Fans。

釩木愛理於27日於個人Blog上發文，宣佈於田中碧交往中，並指自己會繼續活動，希望大家祝福佢哋。同時佢亦提到身為職業高爾夫選手嘅爸爸鈴木亨，話爸爸就黎要參加比賽，希望大家可以為佢打氣。更值得一提嘅係，原來就係爸爸鈴木亨介紹田中碧畀阿女認識，然後兩人火速發展成戀人。據報二人於去年田中碧被借用至德乙球隊杜塞爾多夫之前就已經確立關係，而且見哂雙方家長。另外田中碧係於9月10日出世，而9月10日就係「℃-ute」嘅官方紀念日，Fans們都認為緣份！