早排我哋同大家介紹過由韓國「逆輸入」去日本做偶像嘅「李始燕」，但其實喺日本工作嘅韓國女仔就豈止佢一個？好似今日要介紹嘅呢位「あいり」咁，就係一位於日本努力打拚嘅韓國女仔，而且佢嘅工作仲相當特別，就係著名嘅日本陪酒小姐！

據佢於IG上嘅自我介紹，2000年出世，現年23歲嘅「あいり」係一個於日本出生、日本長大嘅韓國人，於七兄弟姊妹排行第五。而如果你就咁睇佢IG啲相嘅話，你大概會以為佢只係一個普通網紅，因為雖然佢有唔少水著靚相，但睇落就相當純情。不過如果你細心留意，就會發現佢個自我介紹仲Tag咗一間叫「銀座J-Vogue」嘅陪酒店。

呢間「銀座J-Vogue」來頭絕對唔細，因為佢嘅老闆就係大名鼎鼎嘅「明日花綺羅」！翻睇報導，明日花於2021年引退後宣佈會開陪酒店，後來因為疫情而延遲到去年9月先正式開業，但憑住佢號召力，開業5日就已經宣佈會開分店，更一度吸引到超過2,000名女仔應徵做陪酒女郎。所以「あいり」能夠成功加入，必定有其過人之處！不過如果大家想去親身理解，睇黎個荷包就要非常深厚先負擔得起啦。

IG：airi_el12